28 حمل، 1400 اطلاعاتو او عامه اړیکو آمریت

د ازموینو ملي ادارې مشرتابه هڅه پیل کړې چې د کانکور ازموینو اوسني سېستم تر څنګ د نوې ټکنالوژۍ پر بنسټ د بېلابېلو ازموینو لپاره یو نوی، پراخه او پر نویو تخنیکونو سمبال سېستم رامنځته

د یادې ادارې مسؤولینو نن د یوې ناستې په ترڅ کې د کانکور ازموینو سېستم پر تخنیکي پروسو، نویو بدلونونو او میکانیزمونو په اړه تخنیکي بحثونه وکړل او د نوي سېستم پر جوړښت یې خپلې طرحې شریکې کړې.

د ازموینو ملي ادارې رییس پوهاند عبدالقدیر خموش وویل: که څه هم د کانکور ازموینو سېستم په هېواد کې یو منل شوی او معیاري سیستم دی خو د بېلابېلو فزیکي او الکترونیکي ازموینو لپاره د نوې سېستم جوړول د هېواد د اوسنیو شرایطو یوه مهمه غوښتنه ده او هڅه مو پیل کړې د نوې ټکنالوژۍ پر مټ یو داسې سېستم رامنځته کړو چې د لازمو اسانتیاو څخه برخمن وي او د روڼتیا ټول پرمختللی معیارونه په کې په نظر کې نیول شوي وي.

پوهاند خموش وویل اوس مهال چې د ازموینو ملي اداره د هېواد په کچه د ډله ییزو ازموینو یوازینۍ مرجع ده، اړینه ده چې د کانکور ازموینو سېستم د هر ډول ازموینو اخیستلو او پایلو اعلان لپاره عیار شي.

نوموړي زیاته کړه: د کانکور ازموینو نوي سېستم کې د داوطلبانو انلاین نوم لیکنې، پوښتنو بانک پراختیا او ډلبندۍ، نوم لیکنې فورمو د ثبت، بېلابېلو ازموینو لپاره د پوښتن پاڼو او ځواب پاڼو ډیزاین او چاپ، پایلو د اعلان ډول او د سېستم د لا خوندیتوب لپاره لازمې طرحې په نظر کې نیول شوي چې په تطبیق سره به یې هېواد د سیمې په کچه د ازموینو له یو پیاوړي سېستم څخه برخمن شي.

د ازموینو ملي ادارې تخنیکي خدمتونو رییس لطف الرحمن حقمل په کانکور ازموینو سېستم کې د رامنځته کېدونکي نوښتونه او طرحې د یو پریزینټیشن له لارې تشریح کړې او د تطبیق پر څرنګوالي یې معلومات ورکړل.

لطف الرحمن حقمل وویل د نویو تخنیکونو په کارونې او د هغو طرحو له مخې چې په نظر کې نیول شوي، د کانکور سېستم به د هر ډول ازموینو لپاره چمتو او ګډونوالو ته به په کې غوره اسانتیاوې برابرې شي.

په دغه ناسته کې د ازموینو ملي ادارې تخنیکي او عملیاتي چارو عمومي رییس یما امان، پوښتنو بانک د پراختیا رییس استاد روضت الله مجید، د معلوماتي سېستمونو رییس حیدرجان ځاځي، د ازموینو کمیټې آمر استاد قدرت الله احمدي او بېلابېلو تخنیکي برخو مسؤولینو د سېستم د لا معیاري کېدو په موخه خپلې تجربې، نظریات او وړاندیزونه شریک کړل.

پر بیننده ترین مطالب

blog images

از کاندیدان بست های سوم و چهارم ادارۀ ملی امت...

8 دلو ادارۀ ملی امتحانات امتحان کاندیدان بست های سه و چهار ادارۀ ملی امتحانات امروز توسط ای...

بیشتر بدانید ( 480 )  
blog images

امتحان جمعی بست های پنج و شش اصلاحات اداری و...

۱۱میزان۱۳۹۹ ادارهُ ملی امتحانات در این امتحان به شمول ٢٢٠ بست وزارت مالیه برای ۱۰۲۲ بست سایر ادارات...

بیشتر بدانید ( 304 )  
blog images

کارمندان ادارۀ ملی امتحانات جهت اخذ تذکرۀ های...

۲۴ عقرب ادارۀ ملی امتحانات کارمندان ادارۀ ملی امتحانات جهت اخذ تذکرۀ های الکترونیکی امروز از سوی تی...

بیشتر بدانید ( 273 )