امتحان روز دوم دور دوم کانکور عمومی سال ۱۴۰۵ به‌گونه شفاف اخذ شد. صندوق‌های سؤالات این امتحان در ولایات مربوطه، با حضور مسؤولان محلی، هیأت‌های ادارۀ عمومی امتحانات، استادان ممتحن و داوطلبان باز شد. در دور دوم امتحان کانکور عمومی سال ۱۴۰۵ که از سوی ادارۀ عمومی امتحانات برگزار می‌شود، (۱۸) ولایت کشور (پنجشیر، لغمان، کندز، جوزجان، کندهار، بامیان، پکتیا، تخار، سمنگان، فراه، هلمند، دایکندی، ننگرهار، نیمروز، بلخ، خوست و زابل، همچنان سه حوزه نورستان (نورستان مرکزی، نورستان شرقی و نورستان غربی) شامل می‌باشند که امتحان شان امروز به‌گونه منظم، تحت نظارت جدی و به گونهٔ شفاف اخذ گردید. امتحان روز سوم ولایت ننگرهار به تاریخ (۲) ماه جوزا برگزار می‌شود. ادارۀ عمومی امتحانات تمام امتحانات جمعی را از طریق روندهای شفاف برگزار نموده و نتایج آن را بر بنیاد عدالت ترتیب و اعلان می‌ نماید.