از سوی اداره عمومی امتحانات، روند ثبت معلومات بایومتریک داوطلبان روز اول دور سوم امتحان کانکور عمومی سال ۱۴۰۵ ولایت کابل به‌گونه منظم برگزار شد. این روند امروز یکشنبه، ۱۰ جوزا سال ۱۴۰۵، از ساعت ۶:۰۰ صبح آغاز گردید و تا ساعت ۴:۰۰ بعد از ظهر ادامه داشت. در جریان این روند، معلومات بایومتریک داوطلبان امتحان کانکور فارغان صنوف دوازدهم مکاتب ولایت کابل، مطابق اصول و طرزالعمل‌های اداره عمومی امتحانات ثبت شد تا شفافیت و نظم کامل در امتحان تأمین گردد. قابل یادآوری است، آن‌عده از داوطلبان که امروز به دلیل عدم حضور یا بروز مشکلات موفق به ثبت معلومات بایومتریک خود نشده‌اند، می‌توانند در روزهای باقی‌مانده روند بایومتریک (دوشنبه، سه‌شنبه و چهارشنبه) که برای ثبت معلومات بایومتریک داوطلبان کانکور سال ۱۴۰۵ ولایت کابل اختصاص یافته است، مراجعه نموده و معلومات بایومتریک خود را ثبت نمایند تا از اشتراک در امتحان محروم نشوند.