از سوی ادارهٔ ملی امتحانات، پروسهٔ ثبت معلومات بایومتریک اشتراک‌کنندگان امتحان تثبیت سویهٔ طلبای کرام (ثانویه و مافوق‌الثانویه) به‌گونهٔ منظم انجام شد. این پروسه امروز پنجشنبه، ۲۳ دلو سال ۱۴۰۴، از ساعت (۷) صبح آغاز گردیده و تا ساعت (۴) بعداز ظهر ادامه داشت. در جریان این پروسه، معلومات بایومتریک اشتراک‌کنندگان امتحان ثانویه و مافوق‌الثانویه مطابق اصول ادارهٔ ملی امتحانات ثبت گردید، تا شفافیت کامل و نظم در امتحان تأمین گردد. قابل یادآوری است آنعده از اشتراک‌کنندگان که امروز (پنجشنبه) به دلیل عدم حضور یا مشکلات، از پروسه ثبت معلومات بایومتریک بازمانده‌اند، می‌توانند فردا (جمعه) در روز امتحان، قبل از آغاز امتحان، معلومات بایومتریک خود را ثبت نمایند تا از امتحان محروم نگردند. قرار است این امتحان فردا (جمعه، ۲۴ دلو) در سیزده (۱۳) حوزهٔ تعیین‌ شده به‌گونهٔ منظم اخذ گردد.