د روغتيايي علومو انسټيټيوټونو ايګزيټ، د علمای کرامو د سويې تثبيت او د نیمروز ولایت عمومي او اختصاصي کانکور ازموینې په منظم او شفاف ډول واخیستل شوې. د ازموینو عمومي ادارې له لوري د (بادغیس، بدخشان، بغلان، تخار، جوزجان، سرپل، غور، فاریاب، کندز، سمنګان، کونړ، دایکندي، ارزګان، هلمند، کندهار، ننګرهار، لغمان، نیمروز او فراه) ولایتونو د روغتيايي علومو انسټيټيوټونو ايګزيټ، د (کابل، کاپیسا، لوګر، کندهار، ارزګان، هلمند، پکتیا، پکتیکا، خوست، بلخ، سمنګان، ننګرهار، لغمان، هرات، فراه، بادغیس، بامیان، بدخشان، بغلان، تخار، جوزجان، دایکندي، زابل، سرپل، غزني، غور، فاریاب، کندز، کونړ، نورستان او نیمروز) ولايتونو د علمای کرامو د سويې تثبيت(ثانويه او مافوق ثانويه) او د نیمروز ولایت عمومي او اختصاصي کانکور ازموينې نن (جمعه) د ۱۴۰۵ کال زمري/ اسد مياشتې په (۲۳مه) نېټه په خورا منظم او شفاف دول واخیستل شوې. د ازموینو عمومي اداره تل هڅه کوي، چې ټولې ډله ییزې ازموینې په شفافه توګه واخلي او پایلې یې په بې طرفه توګه ژر اعلان کړي.